’தாயை நெகிழ வைத்த இராணுவ வீரர்’ என்று பரப்பப்படும் வீடியோ! உண்மை என்ன?

ராணுவத்தில் பணியாற்றும் மகன்..... ரோட்டோரத்தில் இளநீர் விற்கும் தாயை சொல்லாமல் பார்க்க வந்து வந்து சல்யூட் அடித்து நிற்க்கும் காட்சி…

X Link

இளநீர்க் கடையில் வேலை செய்துகொண்டிருக்கும் அம்மாவை ஒருவரை இராணுவ உடுப்பு அணிந்து வந்த ஒருவர் ஆச்சரியப்படுத்துகிறார்; பின்னர் அவர்தான் தனது மகன் என்று தெரிந்த அந்த அம்மா நெகிழ்ந்து போகிறார். இந்த வீடியோவை சிலர் சமூக வலைதளங்களில் நெகிழ்ச்சியுடன் பகிர்ந்து வருகிறார்கள்.

உண்மை என்ன?

பரப்பப்படும் வீடியோவின் keyframe-களைக் கொண்டு தேடியதில், ‘3RD EYE’ என்ற யூட்யூப் சேனலில் இந்த வீடியோ காணக்கிடைத்தது. இந்த வீடியோவின் இறுதியில், ’இந்த வீடியோவில் வரும் கதாப்பாத்திரங்கள் பொழுதுபோக்கிற்காகவும் விழிப்புணர்விற்காகவும் தான்’ என்று ‘Disclaimer’ குறிப்பு வருகிறது. 

இந்த  ‘3RD EYE’ என்ற யூட்யூப் சேனலில் பதிவேற்றம் செய்யப்பட்டிருக்கும் மேலும் சில வீடியோக்களை பார்க்கையில், இதே ‘Disclaimer’ குறிப்பு போடப்பட்டிருக்கிறது. சமூக வலைதளங்களில் பரப்பப்பட்ட இந்த வீடியோவின் இறுதியிலும் இந்த ‘Disclaimer’ குறிப்பைக் காண முடிகிறது.

இதிலிருந்து, இந்த வீடியோ முன்பே திட்டமிட்டு எடுக்கப்பட்ட scripted வீடியோ என்பது தெளிவாகிறது. சிலர் இந்த வீடியோவில் சித்தரிக்கப்பட்டிருக்கும் காட்சியை உண்மை என நம்பி சமூக வலைதளங்களில் பரப்புகிறார்கள்.

முடிவு:

இது முன்பே திட்டமிட்டு எடுக்கப்பட்ட scripted வீடியோவாகும். இதனை சிலர் உண்மை என்று நம்பி சமூக வலைதளங்களில் பரப்பி வருகிறார்கள்.