பீகார் முதல்வர் நிதீஷ்குமார் மற்றும் லாலு பிரசாத் சமீபத்தில் சந்தித்ததாகப் பரவும் பழைய வீடியோ!

நிதிஷ் - லாலு பிரசா‌த் சந்திப்பு!

கடந்த 3 நாட்களில் இரண்டாவது முறையாக சந்திப்பு!

பீகாரில் ஆட்சி கலைப்பு?

கவிழ்கிறதா ஒன்றிய அரசு?

X link

பீகார் முதல்வர் நிதிஷ்குமார் தனது காரிலிருந்து இறங்கியபின் அவரைப் பின்தொடர்ந்து சில ஊடகவியலாளர்கள் அவரைப் படம்பிடித்து வருவதை கவனிக்க முடிகிறது . அவர் ஒரு வீட்டிற்குச் செல்கிறார், அங்கு வாசலில் ஒரு பெண், முன்னாள் முதல்வர் லாலு பிரசாத் யாதவ் மற்றும் அவரது மகனுடம் உள்ளே செல்கின்றனர். இருவரும் கைகுலுக்கிய பிறகு உரையாடுவது போன்ற 1:58 வினாடிகள் கொண்ட வீடியோ ஒன்று சமூக ஊடகங்களில் பரவி வருகிறது.

நிதிஷ் - லாலு பிரசா‌த் சந்திப்பு!

கடந்த 3 நாட்களில் இரண்டாவது முறையாக சந்திப்பு!

பீகாரில் ஆட்சி கலைப்பு?

கவிழ்கிறதா ஒன்றிய அரசு? pic.twitter.com/Ijynf1y19K

உண்மை என்ன ?

பரவி வரும் வீடியோ குறித்து “Google Reverse Image Search”  மூலம் ஆய்வு செய்ததில், இது தற்போது எடுகப்பட்ட வீடியோ அல்ல என்பதையும் இது 2022ஆம் ஆண்டிலிருந்தே சமூக ஊடகங்களில்  வைரலாகி வருவதை அறியமுடிகிறது.

பரவக்கூடிய இதே வீடியோவின் முழுபகுதி OTV என்ற யூடியூப் பக்கத்தில் “பீகார் முதல்வர் நிதீஷ் குமார், முன்னாள் முதல்வர் லாலு பிரசாத் யாதவை பாட்னாவில் சந்தித்தார்”  என்ற தலைப்பிட்டு 2022ஆம் ஆண்டு,செப்டம்பர் 5 அன்று பதிவு செய்யப்பட்டிருப்பதை பார்க்க முடிந்தது. 

இதனைப் பயன்படுத்தி கூடுதலாக தேடியதில், 2022ஆம் ஆண்டு, செப்டம்பர் 5 அன்று The Print இணையதளத்தில் கட்டுரை ஒன்று வெளியிட்டிருப்பதை கவனித்தோம்.

அதில், ராஷ்ட்ரிய ஜனதா தளம் (RJD) தலைவர் லாலு பிரசாத் யாதவை பீகார் முதல்வர் நிதிஷ் குமார் பாட்னா வீட்டில் சந்தித்தபோது, ​​முன்னாள் துணை முதல்வர் தேஜஸ்வி யாதவ் மற்றும் முன்னாள் முதல்வர் ராப்ரி தேவி ஆகியோர் உடனிருந்தனர்.

2024 லோக்சபா தேர்தலில் பா.ஜ.க.வை எதிர்க்க எதிர்கட்சிகளை ஒன்று திரட்டும் முயற்சியே இந்த சந்திப்பு என்று அக்கட்டுரையில் குறிப்பிட்டுள்ளது. இவற்றிலிருந்து 2024ஆம் ஆண்டு மக்களவை தேர்தலுக்கு முன்பு இருந்தே இந்த வீடியோ வைரலாகி இருப்பதை அறியமுடிகிறது.  

முடிவு :

பீகார் முதல்வர் நிதிஷ் குமாரும் முன்னாள் முதல்வர் லாலு பிரசாத் யாதவும் சமீபத்தில் சந்தித்ததாக பரப்பப்படும் தகவல் தவறானது. பரவி வரும் அவர்களது சந்திப்பு குறித்த வீடியோ 2022ஆம் ஆண்டிலிருந்தே வைரலாகி வந்துள்ளது. எனவே இது 2024 லோக்சபா தேர்தலுக்கு முன் எடுக்கப்பட்டது என்று தெளிவாகிறது.